مرحبا أصدقائي
شاركت مؤخراً عن موعد النوم الانتقامي، اللي هو عبارة عن تأجيل موعد النوم على حساب ثاني يوم، على صفحتي على السوشال ميديا وصراحة كان لازم هاي الأغنية تكون في الخلفية مع الحكي اللي بحكيه
يا حبابي وخِلّاني
خلوني سهرانة
خلّوا بكره لبكره
والله العمر فاني
عرفتوا هاي الأغنية؟
هاي أغنية يا صبّابين الشاي 🫖 لألين خلف، متذكرينها؟
كل ليلة بنسهر فيها وإحنا عارفين عنا دوام أو مسؤوليات نصحى عشانها على الوقت بنكون بنغني هاي الإغنية فعلياً لحالنا، يعني هي
Our Theme Song
أغنية روعة لليالي الانبساط 🥳 والسفر
ونتيجتها مؤلمة 🥱 باقي أيام السنة
ولّا شو رأيكم؟
هذا "القرار" بنشعركأنه "انتقام" الصبح
ليش بنضلنا نعمل هيك بحالنا علماً إنه إحنا كبار وواعيين، بس لسه كتير بنختار اختيارات كأنه مش سائلين عن حالنا، هذا وإحنا بس عم بنحكي عن حالنا ثاني يوم، ذاتنا تاعة الصبح، اللي رح تزعل منا عشان سِهرنا زيادة عن المفروض، فتخيلوا شو عم نعمل (أو بالأحرى ما بنعمل) لذاتنا بعد عشر سنين وعشرين سنة؟
في دراسات بتفسر كيف دماغنا بشوف المستقبل، ملّخصها… بصعوبة
فكل البشر بيختاروا اختيارات غيرمنطقية مثل تأجيل موعد النوم وصرف مصاري كتير وأكل مضر بالصحة مش لحالكم
اليوم بلايف إنستغرام رح أحكي عن التأجيل المتكرر أو اللي اسمه في دوائر علم النفس التسويف وليش بنعمله
كتير مهم تفهموه طبعاً وتعرفوا تعريفه الحقيقي، مش تاع القاموس، وأسبابه، بس إذا ما تعلمتوا أدوات تساعدكم تتغلبوا عليه كعقبة في طريقكم لأهدافكم شو الفائدة؟
بتقولوا بدكم تصيروا قرّاء
بدكم تطمنّوا أكتر على ناس مهمين في حياتكم
بدكم تتحركوا أكتر
تدرسوا أول بأول
تركّزوا وتنجزوا بالشغل
تتبعوا مصاريفكم
تتخلصوا من الكركبة في بيوتكم
متى؟
إذا ما تحولت هاي الأهداف عنا لعادات بتدخل بروتيننا اليومي رح نرجع كلّنا نغني خلّي بُكره لبكره
عشان هيك
🥳️🥳️🥳️
سعيدة أعلن عن فتح أبواب التسجيل في دورتي التدريبية
